Somali

''Sida aynu kuu caawin karno haddii aadan ku hadlin ama fahmaynin luqadda Ingiriiska”

Tower Hamlets Homes waxaa ka go’an xaqiijinta in si siman loo wada helo adeegyada. Iyadoo taas niyadda lagu hayo waxaan awoodnaa inaan idiin fidino adeegyo turjumaad ah oo bilaash ah una furan dadka aan ku hadlin luqadda Ingiriiska.

Tower Hamlets Homes waxay isticmaalaan adeeg turjumaad oo ku baxaya luqado badan oo ay ka mid yihiin Bengali, Somali, Carabi, Fiiyatnaamiis, Kantooniis iyo luqado kale.

Haddii aad u baahan tahay inaad adeeggan isticmaashid, fadlan tag 'One Stop Shop' halkaasoo ay joogaan shaqaale ku caawin kara. Haddii shaqaalaha jooga aysan ku hadlin luqaddaada, waxaan kuu diyaarin karnaa turjumaan kaa caawiya khadka telefoonka inta aad halkaas joogtid.

Haddii aad ballan la leedahay Tower Hamlets Homes aadna uugu baahan tahay in laguu sharraxo qoraal, waxaan kuu diyaarin karnaa qof turjumaan ah oo kuu sharraxa idinka oo wada jooga.

Marka aad tagtid dukaanka 'One Stop Shop' waa inaad tilmaantaa luqadda aad fahmi kartid adiga oo ka eegaya shaashadda luqadaha 'Language Identification Screen' ee taala risabshinka si aan u ogaano luqadda aad ku hadashid.

Haddii aad doonaysid inaad baratid ama sii wanaajisid kartidaada Ingriisiga, Tower Hamlets Homes waxay kaa caawin kartaa inaad is qortid koorsooyinka barashada luqadda Ingiriiska ee goobo ku yaala degmada. Koorsooyinkan mararka qaarkood waa bilaash. Macluumaad dheeraad ah fadlan booqo xafiska degaanka ee lagu magacaabo IDEA Store wixii faahfaahin dheeraad ah, ama booqo internetka http://www.ideastore.co.uk/.